Die onoorskatbare belangrikheid van die inleidingskonsep in die ganse lewe, met besondere verwysing na die preekinleiding

Abstract

Daar is die afgelope dekades baie literêre aandag geskenk aan die praktiese vormgewing van die prediking. Alhoewel dit waardeer word gaan dit mens se verstand te bowe dat die vormgewing van die eerste oomblikke van die preek in die meerderheid van gemelde literatuur hoogstens as 'n soort glos of addendum aan die orde gestel, en soms bloot in die verbygaan na verwys, word. Die "eerste oomblikke" ontvang egter in die ganse lewe, waaronder in verskeie wetenskappe, telkens 'n ereplek.